چین کے سائنسدانوں کا دعوی "کورونا وائرس کہاں سے پھیلا"

چین کے سائنسدانوں کی ایک ٹیم کا دعویٰ: 'کورونا وائرس انڈیا سے شروع ہوا'

،28 نومبر ،2020

چینی سائنس دانوں کی ایک ٹیم نے دعویٰ کیا ہے کہ انڈیا ہی وہ ملک ہے جہاں سے کورونا وائرس پوری دنیا میں پھیلا ہے،

انڈیا میں ہندی زبان میں شائع ہونے والے اہم اخبار 'نو بھا ٹائمز' نے برطانوی اخبار دی ڈیلی میل کے حوالے سے یہ انکشاف شائع کیا ہے،

اس خبر کے مطابق چین کی اکیڈمی آف سائنسز کے سائنس دانوں کی ایک ٹیم کا کہنا ہے کہ ممکنہ طور پر کورونا وائرس 2019 میں گرمیوں کے موسم میں انڈیا میں پیدا ہوا تھا،

چائنہ کے سائنس دانوں کا دعویٰ ہے کہ کورونا وائرس جانوروں کے ذریعے گندے پانی سے انسانوں تک پہنچا اور اس کے بعد یہ انڈیا سے چین کے شہر ووہان پہنچا جہاں اس کی پہلی بار شناخت کی گئی،

چینی سائنس دانوں کا یہ بھی دعوی ہے کہ انڈیا میں 'صحت کے خراب نظام اور نوجوان آبادی کی وجہ سے کورونا وائرس کئی مہینوں تک بغیر کسی تشخیص کے لوگوں کو متاثر کرتا رہا ہے۔

کورونا سے متاثرہ پھیپڑِے کی تصویر

تاہم دوسرے ممالک کے سائنس دانوں نے چینی سائنس دانوں کے اس دعوے کی تردید کی ہے اور برطانیہ میں گلاسگو یونیورسٹی کے ماہر ڈیوڈ رابرٹسن نے کہا ہے کہ چینی سائنس دانوں کی تحقیق ناقص ہے اور اس سے کورونا وائرس سے متعلق معلومات میں اضافہ نہیں ملتا۔

فی الحال عالمی ادارۂ صحت چین میں کورونا وائرس کا ذریعہ تلاش کرنے کی کوشش کر رہا ہے۔ ڈبلیو ایچ او نے اس کے لیے ایک تحقیقاتی ٹیم چین بھیجی ہوئی ہے۔

کورونا وائرس کے انفیکشن کا پہلا کیس گذشتہ سال دسمبر میں چین کے صوبہ ووہان میں سامنے آیا تھا۔

امریکہ چین پر کورونا وائرس پھیلانے کا الزام لگاتا رہا ہے جس کی چین تردید کرتا رہا ہے۔۔۔