پی ڈی ایم (PDM) نااہلوں کا ٹولہ‘ اپوزیشن کے ہر ہتھکنڈے کو ناکام بنائیں گے؛ وزیراعلیٰ پنجاب

عمران خان کے ساتھ کھڑے ہیں اور کھڑے رہیں گے; عمران خان جب انہیں حکم دیں گے اسمبلی تحلیل کر دیں گے, چوہدری پرویز الٰہی کی گفتگو

لاہور:تازہ ترین  ۔ 01 دسمبر 2022ء ); وزیراعلیٰ پنجاب چوہدری پرویزالٰہی نے کہا ہے کہ عمران خان کے ساتھ کھڑے ہیں اور کھڑے رہیں گے، عمران خان جب حکم دیں گے اسمبلی تحلیل کر دیں گے، پی ڈی ایم نا اہلوں کا ٹولہ ہے، ان میں تحریک عدم اعتماد لانے کی ہمت ہے اور نا ہی ان کے پاس عددی اکثریت ہے۔ میڈیا رپورٹس کے مطابق تحریک -انصاف کے رہنماء پرویز- خٹک کی قیادت میں وفد نے وزیراعلیٰ پنجاب چوہدری پرویز الٰہی اور ق لیگ کے دیگر رہنماؤں سے ملاقات کی: جس میں موجودہ سیاسی صورتحال اور آئندہ کی حکمت عملی پر تبادلہ خیال کیا گیا۔

 ذرائع کے حوالے سے معلوم ہوا ہے کہ اس موقع پر چوہدری پرویز الٰہی نے کہا کہ ہر طرح سے تیار ہیں;،  عمران  خان   کے ساتھ کھڑے ہیں;,  اور کھڑے رہیں گے، عمران خان جب حکم دیں گے تو اسمبلی تحلیل کر دیں گے۔

علاوہ ازیں چئیرمین پی ٹی آئی عمران خان سے وزیراعلیٰ پنجاب پرویز الہیٰ نے ملاقات کی ;، پرویز الہیٰ نے اسمبلی تحلیل معاملے کو سیاسی صورتحال میں موثر طریقے کے ساتھ جوڑنے کا مشورہ دیا، پرویز الہیٰ نے کہا کہ اسمبلیوں سے استعفوں کا فیصلہ عمران خان کا ہے،جس کی مکمل حمایت کرتے ہیں، اسمبلیاں تحلیل، مستعفی ہونے پر ملک کو عام انتخابات کی طرف جانا چاہئیے.۔

انہوں نے مشورہ دیا کہ پنجاب اسمبلی تحلیل کرنے سے قبل پی ڈی ایم کو آئینی آپشنز استعمال کرنے دیں، پی ڈی ایم کے پاس پنجاب میں عدم اعتماد کے لیے مطلوبہ ارکان نہیں.۔ ادھر صوبائی اسمبلیوں کی تحلیل اور موجودہ سیاسی صورتحال پر مسلم لیگ ن نے پیپلز پارٹی کی قیادت سے دوبارہ رابطہ کیا ہے، پنجاب اسمبلی کی تحلیل روکنے کیلئے لیگی رہنماؤں اور آصف زرداری کو ٹاسک دے دیا گیا، آصف زرداری اور لیگی رہنما پی ٹی آئی کے ناراض ارکان سے رابطہ کریں گے;، اعتماد کے ووٹ کیلئے بھی پی ٹی آئی کے ناراض ارکان سے مشاورت کریں گے، مسلم لیگ ن اور پیپلز پارٹی نے تحریک عدم اعتماد اور اعتماد کا ووٹ لینے کیلئے اقدامات کرنے تھے,